የራስ መኮንን አዳራሽን ለማደስ ከ2 ሚሊዮን ብር በላይ ስምምነት ተፈረመ

አርትስ 02/04/2011

በአዲስ አበባ ዩኒቨርሲቲ 6 ኪሎ የሚገኘውን የራስ መኮንን አዳራሽ ለማደስ ከሁለት ነጥብ አራት ሚሊዮን ብር በላይ ስምምነት ተፈረመ።

ስምምነቱ በጃፓን ኤምባሲና በአዲስ አበባ ዩኒቨርሲቲ የኢትዮጵያ ጥናት ኢንስቲትዩት መካከል ነው የተፈረመው።

ስምምነቱን በአዲስ አበባ ዩኒቨርሲቲ በኩል የኢንስቲትዩት ዳይሬክተር ዶክተር አህመድ ሀሰን፣ በጃፓን በኩል ደግሞ በኢትዮጵያ የጃፓን አምባሳደር ዳሱኪ ማትሲንጋ ናቸው የፈረሙት።

በስምምነቱ መሰረት አዳራሹ ከመታደሱም በላይ በአዳዲስ መሳሪያዎች የሚደራጅ ይሆናልም ነው የተባለው።

የኢንስቲትዩቱ ዳይሬክተር ዶክተር አህመድ በዚሁ ወቅት እንዳሉት ኢትዮጵያና ጃፓን ለዘመናት የዘለቀ ግንኙነት ያላቸው ሀገራት ናቸው።