በኢትዮጵያ የቆዳ ዘርፍ ላይ የተሰማሩ ድርጅቶችን ያሳተፈው ዓለም አቀፍ የንግድ ኤግዚቢሽን በፈረንሳይ ፓሪስ እየተካሄደ ነዉ።

አርትስ 02/01/2011
በኤግዚቢሽኑ በአገራችን የቆዳ ዘርፍ ላይ የተሰማሩ ጥቁር አባይ ጫማ፣ ራምዚ፣ ሂርኮ እና ሌሎችም ኩባኒያዎች የተለያዩ የቦርሳ፣ ጫማ እንዲሁም አልባሳትን በማቅረብ በጃፓኑ ዓለምአቀፍ የትብብር ኤጀንሲ (JICA) ስፖንሰር አድራጊነት ለመጀመሪያ ጊዜ በፈረንሳይ የአገራችንን የቆዳ ውጤቶች ማስተዋወቅ እንደተቻለ የውጭ ጉዳይ ሚኒስቴር ጽ/ቤት በፌስቡክ ገፁ አስነብቧል።
በፈረንሳይ የኢፌዲሪ አምባሳደር አሊ ሱሌይማን በኤግዚብሽኑ የተገኙ ሲሆን ‹‹Ethiopian Highland Leather›› የተሰኘው ብራንድ በአውሮፓ ህብረት እንዲመዘገብ ክትትል እየተደረገ መሆኑ ተገልጿል።