አርትስ 18/02/2011

ዛሬ ጠቅላይ ሚኒስትሩና የአማራ ክልል ከፍተኛ አመራሮች የላልይበላ  ውቅር አብያተ-ክርስቲያናት ጥበቃና ጥገና የሚያገኙበትን ሁኔታ ተዘዋውረው  ጎብኝተዋል::

የጠ/ሚኒስትር ፅ/ቤት ኃላፊ አቶ ፍፁም አረጋ እንዳስታወቁት በቅድሚያም ቤተ-መድሃኒዓለም ሲጎበኝ በድንገት ለተሰበሰበው የከተማው ህዝብ ንግግር ያደረጉት  ጠቅላይ ሚንስትሩ “ላል ይበላን የሚያክል ድንቅ የዓለምና የአፍሪካ ቅርስ ፤ ለእኛ ደግሞ ከዚያም በላይ መኩሪያችንና መመኪያችንን ስለሆነ ደግመን መገንባት ባንችልም እንኳ መጠበቅ ግን ግዴታችን ነው” ብለዋል::

ዛሬ በአማራ ክልል ሰልፈኞች ሲሰሙ የነበሩ ጥያቄዎች የላልይበላን እና የጣናን ጉዳይ የተመለከቱ ሲሆኑ በጠቅላይ ሚኒስትሩ የተመራው ቡድን ሁለቱንም ጎብኝቷል።

ትናንት የኢትዮጵያ ኦርቶዶክስ ቤተክርስትያን 20ሚሊዮን ብር ቃል መግባቷ ይታወሳል።